ඈත ගම් දනව්වක
අදුර එබිකම් කරන මොහොතක
පන් පැදුරෙහි වැතිර
රජ කුමර කුමරියන් ගැන දෙඩු
මගේ කිරි අම්මා ඔබයි.......
පොහෝ දිනයක පන්සලේ
බෝ සමිදු අසල හිඳ
සිල් පද රකින්නට
වෙරගෙන
නිදි නොලැබ රැය
පහන් කරවන
මගේ කිරි අම්මා ඔබයි.......
වරලස
කපා
කෙටිකර
නෙත් බැමි උගුළුවා හැඩකර
වැහරී ගිය කම්මුලෙහි
නෙක රසඳුන් උලා
තුරුණු විය සොයායන
පුතුගේ කිරි අම්ම ඔබයි
සාදයක ගී හඬට මුසුවී
කෙටි ගවුම නොඉරෙන නියාවෙන්
පා තබා මද බමන ගතියෙන්
නිදි නොලැබ රෑය පහන් කරවන
පුතුගේ කිරි අම්මා ඔබයි..............